ALI MOHAMMED AZIPA TANO TIMU ZA PEMBA ZILIZOTINGA 8 BORA

MAKAMO wa Rais wa ZFA Taifa, Ali Mohamed amezipongeza timu za Pemba ambazo zimeingia katika hatua ya 4 bora na kuzitaka kujiandaa katika
michuano ya Super 8, ambayo inatarajiwa kuanza mapema mwezi ujao.

Akizungumza na viongozi wa timu hizo, huko katika ofisi za ZFA Gombani Chake Chake, Makamo alisema licha ya timu hizo kufanya vizuri katika michezo yao, lakini wana kazi kubwa ambayo imewaelekea.

Alifahamisha kuwa kutokana na kiwango ambacho walikionyesha wakati wakisaka nafasi hiyo, timu hizo zilionekana kiwango chao kiko chini sana, hivyo inatia wasiwasi kwa timu za Pemba hazitoweza kuleta
ushindani kwa timu za Unguja.

“Tumemaliza michezo yetu kwa upande wetu na sasa kilichobakia ni kujiandaa, kushiriki katika hatua ya nane bora ila nilichokiona mimi hakuna timu hata moja, ambayo itaweza kutoa upinzani na timu za Unguja
kwani kiwango chetu kiko chini sana”. Alifahamisha Makamo.

Alifahamisha kuwa kiwango kinachoonyeshwa na timu za Pemba ni dhahiri kuwa kwa mfumo wa 12 bora, ambao utachezwa hapo mwakani hakuna hata timu moja kutoka Kisiwani huko ambayo itaweza kushiriki michuano hiyo.

Akizungumzia suala la nidhamu ndani ya michezo, Makamo huyo alisema kumekuwa na vitendo vingi ambavyo vinahatarisha maisha ya viongozi wa
juu Chama hicho, kwa Pemba pamoja na matusi makali makali kutoka kwa baadhi ya viongozi au wapenzi wa timu.

“Mfano ndugu zangu wa Maji maji ya Tumbe, walikuwa ni timu moja wapo ambayo ilikuwa na ustaraabu wa hali ya juu, lakini kwa sasa imebadilika na kufuata nyayo za wenzake kwa matusi”.

Hata hivyo aliviomba vilabu hivyo kutunza nidhamu na kufuata maadili yaliyo mazuri, pamoja na kuwataka kucheza mpira na kuacha chuki miongoni mwa timu na timu au mtu na mtu kwani hilo halitowafikisha wanakotaka.

Katibu wa Mwenge F.C Gongo Shaaban Gongo, alikitaka Chama hicho kutafuta mbinu mbadala ambazo zitaweza kuondosha tofauti zilizopo katika vilabu vya Pemba.

Alisema ushirikiano kwa vilabu vya pemba, jambo hilo halipo na hivyo umeweza hata kubadilisha viwango kwa wachezaji, hata kushusha hadhi ya
mchezo huo kwa Pemba.

Katibu wa Kizimbani Juma Ali Salim, ameupongeza uongozi wa ZFA kwa kuwajali na kuwataka kushirikiana, katika michuano inayowabili mbele yao kwani wana kazi kubwa.
Ali Mohammed

Hata hivyo vilabu hivyo vimeahidi kujiandaa vya kutosha kuhakikisha, timu nne hizo zinafika mbali hata mara hii kuchukuwa ubingwa au nafasi ya pili, kwa upande wa Pemba ni Jamhuri, Mwenge, Kizimbani na Okapi

zote kutoka mkoa wa kaskazini Pemba.

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more