BINGWA WA LIGI KUU ZENJ HAJULIKANI ATAPEWA NINI, CENTRAL WILAYA YA MJINI WATATOA MILIONI 1 KWA BINGWA

Wajumbe wa Kamati ya Central W Mjini wakiwa pamoja na Mkanga (Aliyevaa Shati wa kati)

Kamati ya central Wilaya ya Mjini imekabidhiwa shilingi Milioni tatu kwaajili ya Zawadi kwa washindi 6 wa Mashindano yao ya Ligi na ya Kombe la Mtoano yanayotarajiwa kumailizika Jumamosi ya Mei 12, 2018 asubuhi katika uwanja wa Amaan.

Akiwakabidhi fedha hizo Mkurugenzi wa Kampuni ya Raskazone Trader Ali Khatib Mkanga amewaomba wadau wengine kujitokeza kusaidia michezo hasa ngazi za chini kwani ndiko vipaji vinakotokea.

Mkanga pia amewapongeza viongozi hao wanaosimamia soka la Vijana ndani ya Wilaya ya Mjini kwa mafanikio yao ya kusimamia vyema Soka hilo la Vijana.

Nae katibu msaidizi wa Kamati ya Central Wilaya ya Mjini Alawi Haidar Foum amempongeza Mkanga kwa kusaidia soka la Vijana huku akiwataka watu wengine wasaidie Michezo hasa Vijana kwani ndio msingi imara wa Maendeleo.

Kwa upande wake Makamo Mwenyekiti wa kamati hiyo Ali Suleiman (Kisheta) amesema kamati yao imepanga kuanzisha Kombain kwa kila daraja lao ili kuzidi kutoa ushindani kwa wachezaji kwani Wachezaji watajituma zaidi kuhakikisha wanachaguliwa katika Kombain hizo.

Mashindano ya Central Ligi yatafungwa rasmi 12/05/2018 kwa kupigwa michezo mitatu katika Uwanja wa Amaan kwa kuchezwa fainali tatu za kombe la Mtoano ambapo Daraja la Juvenile (U-14) watacheza kati ya Weles dhidi ya Barcelona, daraja la Junior (U-17) watacheza kati ya New Afrika na Real Kids huku kwa upande wa daraja la Central (U-21) watasukumana kati ya Mapembeani dhidi ya King Boys.

Bingwa wa Mashindano hayo watazawadiwa fedha Taslim Shilingi Milioni moja pamoja na zawadi nyengine ambapo mpaka sasa mabingwa kwa upande wa ligi ni Sevilla (Juvenile), Barcelona (Junior) na Mapembeani (Central) huku wakisubiriwa kwa hamu kubwa mabingwa wengine wa Kombe la Mtoano Jumamosi.

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more