SOKA LA ZANZIBAR LAPATA UONGOZI MPYA, SEIF BOSS ASHINDA UCHAGUZI WA ZFF

Kushoto rais mpya wa ZFF Seif Kombo Pandu, wa kati ni Khamis Abdallah Said na kulia ni Ame Abdallah Dunia walikuwa wagombea Urais ZFA

Kilio cha wadau wa soka wa Zanzibar cha kutaka kufanyika uchaguzi mkuu ndani ya shirikisho la mpira wa miguu Zanzibar kimemalizika baada ya kamati ya uchaguzi  iliopewa jukumu kukamilisha zoezi hilo.

Uchaguzi huo ambao umefanyika leo katika ukumbi wa makao makuu ya chuo cha Mafunzo Kilimani mjini Unguja, wajumbe wa mkutano mkuu wamemchagua Seif Kombo Pandu kuwa rais wa shirikisho hilo kwa  mara ya kwanza baada ya kupata asilimia 57 ya kura zilizopigwa kwa kujikusanyia kura 16 kati ya kura 28.
Baadhi ya Wajumbe wa Mkutano Mkuu kwenye uchaguzi wa ZFF

Kiti hicho cha urais ambacho kiligombaniwa na wajumbe watatu ambapo Seif Kombo  amechukuwa urais huwo baada ya kuwapita wapinzani wake Ame Abdalla Dunia aliepata kura tano na Khamis Said Abdalla aliepata kura 7.

Hata hivyo wajumbe hao wamemchagua Salum Ubwa Nassor kuwa makmo wa rais  wa shirikisho hilo kwa kupata asilimia 89 kati ya kura zote zilizopigwa na kumpita mgombea mwenzake Khamis Shaali Chuom ambae alipata kura tatu kwenye kura 28.


Ali Othman (Kibichwa) Rais wa Jangombe Boys 
Pia wajumbe wa mkutano huo  wamepata fursa ya kuwachagua  wajumbe wa kamati tendaji kutoka mikoa yote mitano ya Zanzibar.

Waliopata nafasi hizo za kuwa wajumbe wa kamati tendaji ni Seif Muhammed Seif mkoa wa kusini Pemba, Omar Ahmed Awadhi Kaskazin Pemba, Seif Bausi Nassor Kaskazin Unguja , Suleiman Haji Hassan Mjini magharibi na Salum Ali Haji Kusini Unguja.
Ali Ussi Bakar (Jongo) Katibu wa timu ya Zimamoto

Mwenyekiti wa uchaguzi huo Fadhil Ramadhan Mberwa amesema uchaguzi huo ulikuwa huru kwani umefata taratibu na sheria zote za  Uchaguzi.

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more