UFAFANUZI JUU YA MCHEZAJI SHAIBU NINJA KUSAJILIWA MAREKANI LA GALAXY



Wadau wengi wa Soka hapa Zanzibar na Tanzania Bara wanahamu sana kujua juu ya hatma ya Beki wa zamani wa Yanga Abdalla Haji Shaibu (Ninja) kuhusu kwenda kucheza Soka nchini Marekani.

Ni kweli Ninja sasa yupo Marekani kwenye timu ya La Galaxy ambapo amekwenda kwa mkopo, na baada ya kufanyiwa vipimo vya afya na mambo mengine La Galaxy wamelazimika kumuweka timu ya La Galaxy II (Timu B) na baada ya kuonekana anahitaji kuzowea mazingira na kupata uzoefu kidogo kwenye timu hiyo B kisha watampandisha kucheza timu kubwa ambayo inashiriki ligi kuu Soka Marekani, timu ambayo anacheza Zlatan Ibramovic.

Ninja tayari ameshaanza mazoezi kwenye timu hiyo B na uzuri kwamba timu hiyo B wakati mwengine wanachanganyika kufanya mazoezi na timu kubwa kwasababu muda wowote mchezaji wa timu B akionyesha kiwango hupandishwa timu kubwa.

Ninja amepewa jezi no 51, hivyo naomba Watanzania wafahamu kuwa kijana wao alikusudiwa kwenda kwa mkopo kwenye timu kubwa lakini kutokana na kutofanya mazoezi kipindi kirefu tangu kumaliza ligi kuu soka Tanzania bara msimu uliopita Mei 28, 2019 mpaka juzi anafika Marekani hakuwa fit kucheza timu ya Primier kwani kwani zaidi ya miezi mitatu hakufanya mazoezi imara ya pamoja na ukiangalia ligi ya Marekani inaendelea.

Naomba tena Watanzania wafahamu Ninja amesajiliwa Timu a MFK Vyskov ya Jamhuri ya Czech barani Ulaya kwa mkataba wa miaka 4 lakini timu yake hiyo ambayo inashiriki ligi Daraja la Tatu nchini humo ndiyo imemtoa kwa mkopo wa mwaka mmoja kwenda kucheza kwenye klabu ya LA Galaxy Marekani lakini sivyo tulivyotegemea acheze LA Galaxy ambayo inashiriki ligi kuu Soka ya Marekani (MSL) ikiwa na nyota kadhaa waliyowika Duniani akiwemo mchezaji wa zamani wa Barcelona, Inter Milan na Manchester United Zlatan Ibrahimovic, ila mambo yamekwenda vyengine kidogo kwa kuekwa timu B.


Naomba niwafahamishe tena Watanzania timu B si timu ndogo, timu B ina thamani kubwa sana kwani wakati wowote kukilazimika kuongezwa mchezaji anapandishwa na wakati mwengine wanafanya mazoezi na timu kubwa hivyo si hatua ndogo Ninja kutoka Yanga mpaka kucheza La Galaxy II nchini Marekani na kubwa ni kumuombea dua afanikiwe kwani akifanikiwa yeye ndio kutufungulia njia Watanzania wengine kupata nafasi.
Kwa wale ambao wanasema Ninja hajaenda La Galaxy ya Marekani wafunguwe link hiyo wataona La Galaxy wenyewe walivyomuweka
https://www.uslchampionship.com/abdallah-haji-shaibu

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more