WADAU WAIJIA JUU RASIMU YA KATIBA YA ZFA, WENGINE WANA HOJI KWANINI MBUNGE AJUWE KUSOMA NA KUANDIKA WAO MPAKA WAWE NA FORM IV?, NA KWANINI IANDIKWE KWA KIENGEREZA?


Baadhi ya wadau wa Soka Visiwani Zanzibar wameijia juu Rasimu ya awali ya katiba ya ZFA iliyowasilishwa hivi karibuni kwa kusema kuna vipengele havifai kabisa kuwemo na kwanini katibu na Mwenyekiti wa ZFA Wilaya awe na elimu kuanzia kidato cha nne wakati huo huo wakihoji kwanini iandikwe kwa lugha ya Kiengereza wakati wao ni Waswahili na wanatumia lugha yao ya Kiswahili.

Wakizungumza wakati tofauti na Mtandao huu baadhi ya Viongozi wa ZFA Wilaya ambao hawakupenda majina yao kutajwa wamesema ni vigumu sana kupita rasimu hiyo kwani ina mapungufu mengi sana.

“Hii Rasimu ina vichekesho sana tulipoiona tulishtuka, sisi viongozi ati tuwe na elimu kuanzia Form IV, kisha imeandikwa kwa Kiengereza wakati sisi ni Waswahili!, si rahisi kupita mazali na sisi ni miongoni mwa wapitishaji, kwasababu uongozi si kusoma bali uongozi ni kipaji na mapenzi ya kitu”.

Juzi Jumatatu ya Mei 29, 2017 Kamati ya kuandika upya katiba ya ZFA chini ya katibu wao Saleh Ali Said iliwasilisha rasimu ya awali kwa katibu mkuu wa Chama hicho kwenye Afisi ya ZFA iliyopo Aman Mjini Unguja na sasa inasubiriwa kusambazwa kwa wadau wao kwa ajili ya kupitiwa.

Kwa mujibu wa katiba ya ZFA wadau wao ni Viongozi wa Zfa wilaya, Vilabu, kamati ya ufundi, kamati ya soka la vijana, kamati ya soka LA ufukweni, kamati ya watu wenye ulemavu, kamati ya waamuzi na kamati ya soka la Wanawake ambao wote tayari wameshapatiwa rasimu hiyo.

Lakini bado baadhi ya Wadau hao wana hofu kubwa baada ya kuona sifa nyingi zimebdilika zikiwemo ya kuwa na Elimu ya Kidato cha nne kwa Katibu na Mwenyekiti wa ZFA Wilaya ambapo baadhi yao viongozi hao hawana sifa hiyo.

Mtandao huu ukamtafuta Katibu wa Kamati hiyo ya kuandika upya katiba ya ZFA Saleh Ali Said ambae pia ni Mwanasheria wa Chama hicho ambapo amewatoa wasi wasi wadau waliyopata mshtuko mkubwa baada ya kuiona Rasimu hiyo huku akiwaambia kuwa hiyo ni Rasimu tu na wapitishaji ni wao na ZFA ambapo wao wamepewa kuiangalia kisha kama ina kasoro watatoa michango yao wapi na wapi parekebishwe ili ipatikane katiba iliyobora zaidi ambayo inaendana na CAF.

“Mimi nawaambia wasishtuke hiyo ni Rasimu tu, na wao waipitie na waifahamu vizuri kisha watatoa michango yao, lakini yote ya yote wenye maamuzi ya mwisho ya kuipitisha hiyo ni ZFA, sisi kamati kazi yetu ndio hiyo tunasubiri jukumu jengine, na hicho Kiengereza kama hawafahamu tutawasaidia mana mimi ukiachia kuwa katibu wa kamati hii pia ni Mwanasheria wa ZFA, sasa tutawatafsiria na pia huko CAF huipeleki katiba kwa Kiswahili, unapeleka Katiba kwa Kiengereza ukisikia Uganda, Kenya, Msubiji na hata wenzetu Tanzania wote katiba zao kwa Kiengereza wala si Kiswahili, muhimu palipokuwa hapajafahamika tutawatfsiria”. Alisema Saleh.


Kamati ya kuandika upya katiba ya ZFA ina wajumbe sita (6) ambao ni Afan Othman Juma (Mwenyekiti), Saleh Ali Said (Katibu), Othman Ali Hamad (Msaidizi Katibu), pia yumo Kocha mkuu wa timu ya Taifa ya Zanzibar ya soka la Wanawake (Zanzibar Queens) Nassra Juma na wengine ni Eliud Peter Mvella na Ame Abdallah  Dunia.

Comments

  1. Kilimani City31 May 2017 at 21:35

    Katibu Form iv hawajafika waisome na watoe mapendekezo kisha ndio uyazingatie kujenga katiba mpya iendane na shirikisho la Mpira Africa kuweni makini msiridhishe kila mtu katika hili ndio tunajenga tunajenga tunajenga warudi shule kisha tutakuja kuwapa nafasi

    ReplyDelete
  2. Kilimani City31 May 2017 at 21:37

    ni mwanzo mzuri kamati ya katiba nasisi tunaomba nakala tuangalie limeelezwa moja tu hapa la elimu na kushtua walio wengi vipi sifa za viongozi wa juu nao? tupeni tuone tuchangie kisheria sio kibubusa

    ReplyDelete

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more