HUYU MLINZI KINDA HATARI WA REAL KIDS, JANA KAKABA ULINZI TAIFA NOWMA, SAMIR AMPA TANO

Zanzibar ni Visiwa vyenye vipaji vingi sana ambapo kila siku vinaibuka vyengine vipya, tukija kwenye soka sitaki kuongea sana lakini jana kama umeangalia mchezo wa kirafiki kati ya Taifa ya Jang’ombe dhidi ya Gulioni katika uwanja wa Amaan, bila ya shaka umemuona kinda jipya limefunga mlango kwenye safu ya ulinzi ya Taifa, si mwengine bali ni Ibrahim Abdallah ni beki wa kati wa timu ya Real Kids inayoshiriki ligi za madaraja ya vijana wilaya ya Mjini, lakini jana alitumiwa na Taifa na alivaa jezi nambari 29 mgongoni.

Ibrahim unaweza ukamuona ni mlinzi wa kawaida lakini huyu dogo ni nowma hata Samir Yahya beki wa kati wa Taifa ya Jang’ombe amekubali kazi yake jana na kusema huyu mtoto hatari.

“Nime enjoy sana leo kucheza na Ibra katikati, dogo ana kibaji na anauwezo, anakuja vizuri sana naamini akizidi kucheza atakuwa bonge la beki hapa Zanzibar, nimefurahi sana na huwenda akawa mrithi wa Ninja au hata mimi nikiondoka basi naamini dogo ataziba pengo bila ya wasi wasi, kuna vitu vidogo tu vinarekebishika”. Alisema Samir beki wa Taifa.

Lakini yote 9, kumi wale walopata fursa ya kuangalia Mashindano ya Michezo na Sanaa ya Skuli za Sekondari Tanzania (UMISSETA), mashindano ambayo yalimalizika hivi karibuni katika viwanja vya Chuo cha Ualimu Butimba huko mkoani Mwanza unaambiwa beki huyo alikuwa gumzo sana huko Mwanza, kama ulisikia Timu ya Unguja ilicheza zaidi ya mechi 4 bila ya kuruhusu kufungwa hata bao 1, basi kazi ya mlinzi huyo ilitendeka.

Mlinzi huyo yupo kwenye majaribio ya mwisho kujiunga na Taifa ya Jang’ombe ili kuziba pengo la Abdallah Haji Shaibu “Ninja” aliyesajiliwa Yanga pamoja na kuziba nafasi ya Ali Juma Maarifa “Mabata” ambae anatarajiwa kwenda Mkoani Manyara katika Mashindano ya Rolling Stone baada ya kuitwa kwenye Kombain ya Mjini Unguja.

Mtandao huu unamtakia kila la kheir mlinzi huyo Ibrahim Mungu amlinde kipaji chake.

Ibrahim Abdallah (Kushoto) na Samir Yahya (Kulia)

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more