MAMADOU SAKHO- “BABAANGU ALIKUFA NIKIWA NA MIAKA 12 NA MAISHA YALIKUWA MAGUMU MNO, SASA NINA UWEZO NA MUNGU ATANIULIZA PESA ZANGU NIMEZITUMIA VIPI? LAZIMA NIWASAIDIE WANYONGE


Sakho na familia yake wakipiga picha ya pamoja na watoto yatima wa SOS
Leo Saa 8 za mchana katika Uwanja wa Ndege wa Kimataifa wa Abeid Amani Karume ataondoka Beki wa kimataifa wa Ufaransa na kurejea nyumbani, Mamadou Sakho anayechezea Liverpool ya England ambae alikuwepo Visiwani Zanzibar tangu Jumamosi ya June 17, 2017 kwa ziara ya kiutalii ambapo awali ziara hiyo alianzia Tanzania bara kisha kurejea nyumbani Ufaransa na badae moja kwa moja kufika hapa Zenj.

Lakini mchezaji huyo anaondoka Zanzibar kwa kuwacha ujumbe mzito kwa Wazanzibar baada ya kusema kuwa yeye ni tajiri na anauwezo mkubwa sana lakini binafsi yake anajua fika kuwa akifariki Mwenyezi Mungu atamuuliza utajiri wake ameutumia vipi?

Amesema yeye anauwezo mkubwa wa fedha na muumini wa Dini ya Kiislamu hivyo Mungu atamuuliza fedha zake amezitumia kwa njia gani.
 
Watoto Yatima wa kituo cha SOS wakimsubiri Sakho katika kijiji chao Mombasa Unguja

“Mimi fedha ninazo nyingi sana na lakini najua fika kuwa Mungu ataniuliza nimezitumiaje fedha zangu!, nitamjibu vipi nimehonga wanawake!, hapana hivyo lazima nitowe sadaka kwa kuwasaidia watoto Yatima na Masikini na ndio maana nina taasisi yangu maalumu ya kusaidia Mayatima na Masikini”.

Wakati huo huo kumbe Sakho nae alikuwa mtoto yatima na aliishi maisha magumu sana wakati yupo mdogo na anajua umuhimu wa kuwasaidia mayatima ndio maana juzi akaenda kuwasaidia watoto Yatima wa kituo cha SOS Zanzibar.

Baadhi ya vyakula alivyotowa Sakho kwa Watoto Yatima

“Mimi babaangu mzazi alifariki nikiwa na miaka 12, nilikuwa mdogo sana na maisha yangu yalikuwa magumu sana, napenda kuwauliza wanangu AIDA (ana miaka 4) na SIENNA (ana miaka 2) mumezaliwa babaenu anaouwezo mkubwa wa mali kwaiyo na nyinyi mukiwa wakubwa fedha zenu mutafanya nini, basi wananiambia watasaidia masikini na Mayatima, nafurahi sana nikiwasikia hivyo na mimi nazidi kuwasisitiza wawasaidie”.

Sakho alikuwepo Zanzibar pamoja na mke wake anaitwa Majda ambae ana asili ya Moroco pamoja na watoto wao wawili wote wanawake ambao ni AIDA na SIENNA  waliozaliwa mwaka 2013 na 2015.

 
Sakho na mke wake (Majda) pamoja na watoto wake (AIDA na SIENNA)  

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more