ZANZIBAR HEROES WAANZA KUFURAHISHWA NA DK SHEIN, LEO WAITWA IKULU KESHO WANAPEWA SHAVU JENGINE

RAIS  wa Zanzibar na Mwenyekiti wa Baraza la Mapinduzi Dk. Ali Mohamed Shein ameendelea kutoa pongezi kwa timu ya Taifa ya Zanzibar, ‘Zanzibar Heroes’ kwa kuirudishia Zanzibar heshima yake na sasa imekuwa inasemwa vizuri kutokana na jinsi timu hiyo ilivyoonesha kiwango safi cha kusakata soka.

Dk. Shein aliyasema hayo leo huko katika viwanja vya Ikulu mjini Zanzibar katika chakula maalum cha mchana alichowaandalia wachezaji wa Timu ya Zanzibar Heroes pamoja na viongozi wake wote baada ya kufanya vyema katika mashindano ya mwaka huu ya Vyama vya Soka Afrika Mashariki na Kati ‘CECAFA’ yaliofanyika nchini Kenya.

Katika hotuba yake fupi kwenye hafla hiyo, iliyohudhuriwa na viongozi mbali mbali wa Serikali,akiwemo Makamo wa Pili wa Rais Balozi Seif Ali Idd, viongozi wa ZFA na waalikwa wengine, Dk. Shein alieleza kuwa vijana hao wa ‘Zanzibar Heroes’ pamoja na kocha wao mkuu wa timu hiyo wamefanya kazi nzuri na ya kupongeza hatua ambayo itaendelea kuipa heshima kubwa Zanzibar.

Aliongeza kuwa wachezaji hao wa ‘Zanzibar Heroes’ wamewanawa uso Wazanzibari wote kutokana na uwezo na nguvu ya mpira waliouonesha na hadi kufikia fainali za mashindano hayo ya CECAFA.

Dk. Shein alieleza kuwa watu waliowengi hawakuifikiria timu hiyo ya Zanzibar kama itafika ilipofika na pia baadhi ya watu hawakuwa wakiisema vizuri lakini hatimae imedhihirisha kuwa Zanzibar ina historia nzuri ya soka na kuondosha usemi kuwa ‘Chenga twawala’.

“Lazima watambue kuwa wakiona vyaelea wajue kama vimeundwa kwani wachezaji wetu hawa wamefanya kazi kubwa na wameiletea heshima kubwa Zanzibar na hivi sasa Zanzibar inasemwa vizuri kunzia tarehe 17 hadi leo”,alisema Dk. Shein.

“Watu walikuwa wanaulizana ndio wale hawa tunaowajua au... kocha mkuu hajatuambia siri yake na wala asituambie kwani amefanya kazi kubwa”,alisema Dk. Shein.

Rais Dk. Shein alieleza kuwa haikuwa bahati kwa timu hiyo ya Zanzibar Heroes kupata kombe la ushindi wa mwanzo lakini jitihada kubwa walizifanya wachezaji hao na kuwapelekea Wazanzibar na Watanzania wote kwa jumla kufurahi.

Alieleza kuwa Zanzibar imeshawahi kuchukua vikombe vingi katika mashindano mengi ya siku za nyuma tokea kombe la Goseji, hivyo, haikuwa bahati kwa mwaka hu kupata ushindi huo licha ya juhudi hizo kubwa zilizochukuliwa na vijana hao mahiri.

Dk. Shein ambaye yeye mwenyewe ni mpenda michezo na aliwahi kuwa mwanamichezo maarufu hapa nchini hapo siku za nyuma alieleza kuwa hamasa na bidii za wachezaji hao pamoja na kocha wao mkuu zimesaidia kwa kiasi kikubwa na kuipelekea timu hiyo kuwa tishio katika mashindano hayo.

Dk. Shein alieleza jinsi alivyotoa salamu zake za pongezi kwa timu hiyo baada ya kuingia fainali ya kombe hilo na baada ya kumalizika kwa mashindano hayo na hatimae timu hiyo kuibuka kuwa mshindi wa pili.

Aidha, Dk. Shein alieleza kuwa kuwaandalia chakula hicho cha mchana hivi leo ni mwanzo tu wa pongezi zake lakini kuna zawadi tatu kubwa amewaandalia ikianzia taarab maalum ya kikundi cha Taifa cha Zanzibar pamoja na zawadi nyengine mbili kubwa ambazo hazijawahi kutokea na kukataa kuzitaja hii leo na kuahidi kuzitaja hapo kesho atakapozitoa.

“Hii leo ni bashrafu tu, mchezo kamili utakuwa hapo kesho tukijaaliwa usiku na tumeamua kufanya hivi kwa mapenzi makubwa na furaha kwa timu yetu hii”,alisema Dk. Shein huku akisisitiza kuwa taarab hiyo ya kikundi cha Taifa huwa ni taarab maalum kwa watu maalum na kwa wakati maalum.

Nae Kocha Mkuu wa Zanzibar Heroes Hemed Suleiman Moroko alitoa pongezi kwa Rais Dk. Shein pamoja na kwa viongozi wengine wa Serikali ya Mapinduzi ya Zanzibar kocha Abdulkhani Msoma pamoja na Mwalimu Abdalla Mwinyi kutokana na nasaha zake za kutaka wachezaji wawe na silka na hulka za Kizanzibari wakiwa katika mashindano hayo ambazo ndizo zilizowasaidia.

Moroko aliongeza kuwa kilichompa ari ya ushindi huo walioupata ni kutokana na kuwa anajua Rais wa Zanzibar amecheza mpira na anaujua mpira hivyo alihakikisha kuwa hamuangushi Rais pamoja na Wazanzibari wote.



Pamoja na hayo, Kocha mkuu huyo alitoa ombi maalum kwa Rais Dk. Shein kumualika Rais wa Shirikisho la Soka Barani Afrika Ahmad Ahmad kuja Zanzibar ili kufanya mazungumzo nae kwa ajili ya kuzungumza mustakbali wa Zanzibar katika soka kimataifa.

Timu ya mpira wa miguu ya Zanzibar Heroes  imefanikiwa kushika nafasi ya pili ya michuano hiyo ya ‘CECAFA’ baada ya kupata matokeo ya kufungwa magoli 3-2 kwa changamoto ya mikwaju ya penanti baada ya kwenda sare ya goli 2-2 kwa dakika 12 na timu ya Taifa ya Kenya.

Baada ya matokeo na ushindi huo sambamba na juhudi kubwa zilizofanywa na timu hiyo, mapokezi makubwa ya kihistoria yalifanywa hapa Zanzibar na wananchi kutoka maeneo mbali mbali waliipokea timu hiyo huku pongezi kutoka kwa viongozi na wananchi zikitolewa, ambapo Dk. Shein akiwa Mkoani Dodoma alitoa pongezi zake kwa timu hiyo na hvi leo amewaandalia chakula cha mchana na kesho atawaandalia tafrija maalum itakayoendana na Taarab ya kikundi cha Taifa cha Zanzibar.


Rajab Mkasaba, Ikulu Zanzibar

Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more