KARUME BOYS WAKABIDHIWA BENDERA, TAYARI WAMESHAPANDA PIPA KWENDA BURUNDI KATIKA MASHINDANO YA CECAFA


Naibu Waziri wa Vijana Utamaduni Sanaa na Michezo Lulu Msham amekabidhi bendera kwa timu ya taifa ya Zanzibar ya Vijana chini ya miaka 17 (Karume Boys) kwa ajili ya kushiriki michuano ya Cecafa ya Vijana nchini Burundi.

Hafla hiyo imefanyika katika ukumbi wa Wizara ya Habari Utalii na Mambo ya Kale kikwajuni ambapo viongozi mbali mbali walihudhuria wakiwemo wa Wizara ya Vijana Utamaduni Sanaa na Michezo, baraza la Taifa la michezo na chama cha soka ZFA.

Akitoa nasaha zake kwa wachezaji na viongozi wa timu hiyo Naibu Lulu amewataka wachezaji hao kujielewa wao ni nani na jukumu kubwa walilopewa na nchi yao huko wanakokwenda huku akiwasisitiza kudumisha nidhamu kwani ndio silaha yao.

Amesema kuwa Serikali ya Mapinduzi ya Zanzibar imewapa jukumu kubwa la kuiwakilisha nchi, hivyo lazima wafahamu majukumu yao na wanatakiwa kufanya ili kuhakikisha wanailetea sifa nzuri nchi yao pamoja na kuwa na nidhamu kubwa.

Mapema Katibu Mkuu wa Wizara ya Vijana Utamaduni Sanaa na Michezo Omar Hassan (King) amezitaja baadhi ya Taasisi zilizofanikisha safari ya Vijana hao wakiwemo Idara ya Uhamiaji Zanzibar, Wizara ya Afya pamoja na Hoteli ya Paradise International Hotel iliyotumika kwaajili ya kukaa Kambi timu hiyo kwa wiki tatu.

Kwa upande wake nahodha wa timu hiyo Ibrahim Ali Juma (Chafu) amewatoa hofu Wazanzibar na kusema wategemee Ubingwa kwani kikosi chake anakiamini mno.

Jumla ya msafara wa watu 29 wakiwemo Wachezaji 23, Makocha 2 na Viongozi 4 wameondoka Zanzibar leo kwa Ndege kwenda Burundi katika Mashindano hayo yanayotarajiwa kuanza kutimua vumbi lake April 14 hadi 28, 2018 ambapo Zanzibar imepangwa kundi ‘B’ pamoja na ndugu zao Tanzania bara, Sudan na Uganda huku kampeni zake Zanzibar kuwania kombe hilo zitaanza April 15 kwa kucheza na Sudan katika uwanja wa Gitega majira ya saa 7:30 za mchana.
Viongozi na Wachezaji wa Karume Boys wakisoma dua baada ya kuagwa



Comments

  1. Unknown16 April 2018 at 00:12

    Kiswandu tueleze kuhusu miaka y'a wachezaji wetu mana nimesikia tumefungiwa napia kulipishwa fain juu ya jambo miaka

    ReplyDelete
  2. Unknown16 April 2018 at 00:12

    Kiswandu tueleze kuhusu miaka y'a wachezaji wetu mana nimesikia tumefungiwa napia kulipishwa fain juu ya jambo miaka

    ReplyDelete

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more