RIADHA NOMA ZANZIBAR, WATINGA FAINALI,SOKA KIKAPU, MIKONO, MEZA KAMA KAWAIDA WATESA

Kikosi cha Mpira wa Kikapu kanda ya Unguja

MASHINDANO ya Umisseta yanazidi kushika kasi hapa Mwanza, huku timu ya kanda ya Pemba na Unguja zikiendelea kufanya vyema kwa baadhi ya michezo.

Katika michezo iliyochezwa leo nyakati za asubuhi, mchana na jioni, timu ya riadha Kanda ya Unguja imeweza kutinga hatua ya fainali baada ya kutamba kwenye mbio za mita 100 wanaume na wanawake, ambapo walioshinda ni wanaume ni Mohamed Rashid na Omar Rashid, wanawake ni Naima Ali na Nasra Abdalla Abdalla.

Lakini kanda ya Pemba kwa upande wa riadha haikufanya vyema baada ya wakimbiaji wake kushindwa kuingia hatua ya fainali kwenye mbio za mita 100 , wakati mbio za mita 400 iliweza kushika nafasi ya nne na sita katika makundi yao.

Wakati  huo huo kanda ya Unguja imeweza kutoka na ushindi katika mchezo wa mpira wa kikapu ambapo ilicheza michezo miwili tofauti.
Mchezo wa kwanza iliweza kutoka na ushindi wa  vikapu 62-13 dhidi ya mkoa wa Njombe, wakati mchezo wa pili Unguja iliishinda mkoa wa Mtwara kwa vikapu 24-23.

Mchezo wa mpira wa mikono Unguja iliweza kutoka na ushindi wa mabao 25-12 dhidi ya mkoa wa Njombe, pambano ambalo Unguja ilitawala zaidi kipindi cha kwanza, lakini ikapunguza kasi kipindi cha pili na kuwapa nafsi wapinzani kupata mabao.

Mpira wa netiboli timu Unguja imeendelea kuchemsha katika michezo yake, baada ya kupokea kichapo cha mabao 42-31 kutoka kwa mkoa wa Mara, matokeo ambayo yanaiweka nafasi finyu Unguja kuweza kuiongia hatua ya robo fainali.

Lakini pia kanda ya Unguja imeweza kufanya vyema katika mchezo wa mpira wa Meza (Table tennis), ambapo michezo miwili ilipigwa, mchezo wa kwanza mchezaji Sultani Suleiman alishinda kwa seti 2-1 dhidi ya Mkoa wa Manyara, wakati mchezo wa pili Mwanajuma Bakar alishinda kwa seti 2-0 dhidi ya Manyara.

Mpira wa mchezo wa Wavu Unguja ikaendelea kufanya vibaya baada ya kufungwa tena seti 3-0 na mkoa wa Mara, hivyo hadi sasa kupoteza michezo mitatu.

Kwa upande wa soka timu ya Pemba imefanikiwa kuwachapa Dodoma 1-0 huku ikiendelea kuongoza kundi lake B kwa kujikusanyia alama 12 baada ya kushinda michezo minne na kupoteza mchezo mmoja.
  


Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more