WASOMALI WANAOCHEZA NA MALINDI CAF WAMEOMBA MECHI ZAO ZOTE KUCHEZWA ZANZIBAR


Wapinzani wa timu ya Malindi ya Zanzibar kwenye Mashindano ya Kombe la Shirikisho Barani Afrika timu ya Mogadishu City Club (MCC) kutoka Somalia wameliomba Shirikisho la Soka Zanzibar (ZFF) michezo yao yote miwili wa nyumbani na ugenini ichezwe Zanzibar.

Mchezo huo utachezwa Jumapili Agost 11, 2019 kwenye uwanja wa Amaan majira ya saa 10:00 za jioni ambapo MCC licha yakucheza ugenini (Amaan) itakuwa ndio mwenyeji wa mchezo huo wa kwanza.

Katika kujiandaa na mchezo huo dhidi ya Malindi MCC leo watacheza mchezo wa kirafiki dhidi ya timu ya FC Heegan kwenye uwanja wa Benadir majira ya saa 10:00 za jioni.

Timu hiyo itasafiri kutoka Somalia kwenda Zanzibar Agost 7, 2019 ambapo MCC inawakilisha Somalia kwenye Mashindano hayo baada kuifunga kwa penalty HorseedSC 4-3 kwenye kombe la Daa (FA CUP) kufuatia kwenda sare ya 0-0 ndani ya dakika 90 ambapo na Malindi wamepata nafasi hiyo baada ya kuichapa JKU kwa Penalty 4-3 kufuatia dakika 120 kutoka sare ya 0-0 kwenye mchezo wa fainali wa kombe la FA.

Timu ya Mogadishu City Club (MCC) imeanzishwa mwaka 1963 kwa msaada wa Meya wa mji mkuu wa Mogadishu ambapo mbali ya Soka pia inamiliki timu za michezo mengine kama vile timu ya mpira wa kikapu, Timu ya mpira wa mikono, Timu ya mpira wa meza, timu ya Lawn tenisi, timu ya mpira wa wavu, Timu ya kuogelea, timu ya riadha na timu ya Baskeli.

Wawakilishi wengine wa Zanzibar kwenye Mashindano ya Kombe la Shirikisho Barani Afrika timu ya KMKM watakuwa na kazi kucheza na Deportivo de Agosto ya Angola mchezo ambao utasukumwa Agost 10, 2019 saa 10:00 za jioni kwenye uwanja wa Amaan.


Comments

Post a Comment

Popular posts from this blog

HUYU NDIYE MCHEZAJI MWENYE REKODI YA KUFUNGA MAGOLI MENGI KWENYE MECHI YA TAIFA DHIDI YA BOYS

Image
Jina lake ni Khamis Mussa “Rais” ambae hadi leo bado rekodi yake haijavunjwa na mchezaji yoyote kwenye mechi ya Dabi ya Jang’ombe kati ya Jang’ombe Boys dhidi ya Taifa ya Jang’ombe. Ni Striker hatari wa Jang’ombe Boys, huyu jamaa ndiye mchezaji aliyefunga magoli mengi zilipokutana timu hizo. Ameshafunga mabao mawili mpaka sasa na hakuna mwengine yeyote alifika mabao hayo. Rais amefunga mabao hayo katika mchezo mmoja wa mzunguko wa kwanza wa ligi kuu soka ya Zanzibar kanda ya Unguja ambapo timu hizo zilitoka sare ya kufungana mabao 2-2 mchezo uliopigwa katika Uwanja wa Amaan siku ya Jumamosi ya Disemba 10, 2016. Mabao hayo alifunga katika dakika ya 45 na 53 huku akimuweka katika wakati mgumu mlinda mlango hatari wa Taifa ya Jang’ombe Ahmed Ali “Salula”. Wachezaji wengine ambao wanaweza kuivunja rikodi hiyo kwa upande wa timu ya Taifa ni Mkongo Baraka Ushindi, Mkenya Mohd Said “Mess”, Omar Yussuf Chande na Hassan Seif “Banda”  ambao wote wamefunga bao moja tu. RIKODI USO...
Read more

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

KMKM KUANDAA MASHINDANO YA RIADHA

Image
Kikosi maalum cha kuzuia magendo Zanzibar (KMKM) kimeandaa mashindano ya mbio za kilomita 10 ambazo zinatarajiwa kufanyika Jumapili ya Oktoba 29 mwaka huu zitakazoanza Makao Makuu ya KMKM Kibweni na kumalizia katika Viwanja vya Maisara. Akizungumzia lengo la Mashindano hayo CDR Hussein Mohd Seif ambae ni mkuu wa Mafunzo na Michezo KMKM amesema kila mwaka wanaandaa mashindano hayo kwaajili ya kujenga mahusiano ya karibu kati ya KMKM na jamii. Nae Mwenyekiti wa Chama cha Riadha Zanzibar Abdulhakim Cosmas Chasama amewapongeza KMKM kwa kuendeleza Mashindano hayo kila mwaka kwani yanaibua vipaji vingi katika mchezo huo.
Read more