BENDERA YA CAF YAENDELEA KUPEPEA KATIKA UWANJA WA AMAN, BAADA YA ZANZIBAR KUWA MWANACHAMA WA 55 WA CAF, LAKINI HOMA KALI NI KUJUA TIMU 12 ZA LIGI KUU ZITAPATIKANA VIPI?

Siku ya Alhamis Machi 16, 2017 itaendelea  kukumbukwa na Wazanzibar baada ya ZFA kuingizwa rasmi kuwa Mwanachama wa 55 wa Shirikisho la Soka Barani Afrika “CAF” kufuatia Kikao cha 39 cha Mkutano Mkuu wa Shirikisho hilo kilichofanyika Addis Ababa nchini Ethiopia.

Katika kura 54 za CAF, kura 51 zimekubali Zanzibar ipatiwe uanachama wa kudumu wa Shirikisho hilo na nchi 3 zilikataa Zanzibar isipatiwe ambazo ni Madagascar, Benin na Seychelles, hivyo Wazanzibar wala tusizichukie nchi hizo kwani ni sehemu ya Demokrasia kuchaguwa ukipendacho.

Tangu viongozi wa ZFA pamoja na Waziri wa Habari Utalii Utamaduni na Michezo Zanzibar Mh Rashi Ali Juma warejee Visiwani Zanzibar wakitokea huko Addis Ababa katika Mkutano huo mkuu walirejea na zawadi moja wapo ni Bendera ya Shirikisho hilo la Soka Afrika “CAF”, Bendera ambazo tayari zimeshaanza kupepea katika Viwanja viwili vikubwa hapa Zanzibar.

Katika Uwanja wa Amaan sehemu ya V.I.P nje kwenye bustani ndogo Bendera hiyo ipo ina pepea halkadhalika na kule Kisiwani Pemba katika uwanja wa Gombani.


Bendera ya CAF ikipepea Amaan Zanzibar

Moja ya maagizo ya CAF ni kutaka msimu ujao wa mwaka 2017-2018 ligi kuu soka ya Zanzibar iwe na jumla ya timu 12 kwa Zanzibar nzima ambapo kwasasa katika msimu huu wa mwaka 2016-2017 ina jumla ya timu 36 kwa kila kanda ina timu 18, yani Kanda ya Unguja 18 na Kanda ya Pemba 18, huku zikikushuka timu 12 kati ya hizo 36 kwa kila kanda kushuka timu sita (6).

Lakini Wadau wengi wa soka Visiwani Zanzibar wanahamu sana kujua mfumo gani utatumika kwaajili ya kupatikana timu 12 za ligi kuu soka ya Zanzibar kwa msimu ujao wa mwaka 2017-2018 ambapo Mkutano Mkuu wa dharura wa ZFA uliofanyika April 22 kwenye Ukumbi wa Uwanja wa Gombani Kisiwani Pemba umependekeza vilabu 28 vya ligi kuu ya Zanzibar msimu huu wakutane kwa pamoja baada ya kumalizika 8 bora na kupanga ni mfumo gani utumike ili zipatikane timu 12 za msimu ujao.

Timu hizo 28 ni zile ambazo zitanusurika kushuka daraja katika mkumbo wa awali ambapo hushuka timu 12 kwa kila kanda hushuka 6, yani Unguja 6 na Pemba pamoja na zile nne za Daraja la Kwanza zilizofanikiwa kuja juu ambazo ni mbili Unguja na mbili Pemba ndipo hapo zitakuwa Jumla ni timu 28.

Viongozi wa timu hizo 28 za Unguja na Pemba watakutana kwa pamoja baada ya kumalizika hatua ya 8 bora ambapo hapo ndipo patakapojulikanwa timu zipi zitacheza ligi kuu msimu ujao na mfumo gani utumike kupatikana kwa timu hizo 12.



Hivyo pengine huwenda timu ikafanikiwa kuwa bingwa au Mshindi wa Pili wa Zanzibar (Wawakilishi wa Klabu Bingwa na Kombe la Shirikisho) lakini akashindwa kucheza ligi kuu ya Zanzibar kwa msimu ujao endapo akishindwa kuvuka katika  mfumo huo ambao utakaotumika.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more