BTMZ YATOA SIKU 30 VYAMA VYA MICHEZO KUFANYA UCHAGUZI

Suleiman Pandu Kweleza- Mrajis wa Vyama vya Michezo Zanzibar

BARAZA la Taifa la Michezo Zanzibar (BTMZ), limeviagiza vyama vya michezo  ambavyo havijafanya uchaguzi  kufanya hivyo ili kupata viongozi kulingana na katiba zao na waziagize klabu zao kufanya uchaguzi ili waongoze kwa demokrasia na kwa kufuata katiba.

Kwa mujibu wa taarifa ya Katibu Mkuu wa BTMZ, Khamis Ali Mzee , iliyotolewa jana Afisini kwao Mwanakwerekwe, baraza hilo limetoa mwezi mmoja  (siku 30)  kuanzia jana 16/5/2017 hadi 16/6/2017  ili kila chama na klabu kutekeleza maelekezo hayo.

“Baraza la Taifa la Michezo Zanzibar kupitia Afisi yetu ya Mrajis wa Vyama vya Michezo na Vilabu tumegunduwa kuwa kuna vyama vya michezo Taifa vimeshamaliza muda wao na bado vinaendelea kuwepo madarakani, sisi kama Baraza hatukubaliani na baadhi ya Viongozi wa Vyama kujisahaulisha kufanya uchaguzi, sasa tayari tushaweka wazi na kuna orodha ya vyama 5 vitaanza zoezi hilo”. Alisema Mzee.

Nae Mrajisi  wa vyama vya michezo vya   Zanzibar  Suleiman Pandu  Kweleza  amesisitiza  vilabu kufuata kanuni  na katiba ziilizowekwa  kuanzia jana  hadi kufika tarehe 16-6- 2017  wawe wameshafanya uchaguzi na kupata viongozi wapya.

“Afisi yangu kuna vyama zaidi ya 33, kuna vingi sana havijafanya uchaguzi, lakini kwa hatua ya kwanza tunaanza na vyama 5 ambavyo hima hima wanatakiwa wafanye uchaguzi wao na ikifika tarehe 16-6- 2017 wawe wameshafikia pazuri kwenye uchaguzi”. Alisema Kweleza.


Vyama vitano (5) ambavyo vinaharakishwa kufanya uchaguzi ni Chama cha Basketball Zanzibar (BAZA), Chama cha Baskeli Zanzibar (CHABAZA), Chama cha Mpira wa Netball Zanzibar (CHANEZA), Chama cha Mpira wa Mikono Zanzibar yani Hand ball na Chama cha Mpira wa Meza Zanzibar yani Table Tennis.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more