HATMA YA MALINDI, KIPANGA NA KILIMANI CITY NANI ATAUNGANA NA TIMU 5 KUSHUKA DARAJA LEO HUWENDA TUKAPATA KUJUA

Kikosi cha Kilimani City
Ligi kuu soka ya Zanzibar Kanda ya Unguja leo itaendelea tena kwa kupigwa michezo 3 katika viwanja viwili tofauti ambapo michezo hiyo inahusisha timu zote ambazo zipo hati hati kuungana na timu 5 kushuka daraja.

Timu 5 ambazo tayari zishajihakikishia kushuka daraja ni Kimbunga, Chaka Stars, Miembeni, Kijichi na Mundu ambapo wanaisubiri timu moja ili ziwe 6 kuungana kushuka daraja na homa kubwa ipo kwa vilabu vitatu ambavyo ni Malindi, Kipanga na Kilimani City na mmoja kati ya hao wataungana na vilabu vyengine vitano ambavyo tayari vishajihakikishia kushuka daraja.
Saleh Machupa kocha wa Malindi
MALINDI
Malindi imebakisha michezo 2 baada ya kucheza michezo 32 hadi sasa na kati ya michezo iliyosalia upande wao watacheza leo Jumatano 3/5 dhidi ya KMKM  saa 8:00 Amaan na mwengine watamalizana na Taifa ya Jang’ombe ambao watacheza Jumamosi 06-05-2017 saa10:00 Amaan.

Malindi ipo nafasi ya 13 wana alama 39 katika michezo 32 waliyocheza wameshinda 11 sare 6 na kupoteza 15.


Kikosi cha Kipanga

KIPANGA
Timu hii inamilikiwa na Jeshi la Ulinzi la Wananchi wa Tanzania (JWTZ) ambapo wamebakiwa na michezo miwili kati yao na KVZ utakaochezwa  leo Jumatano 3/5/2017 saa 10:00  Amaan, na mchezo wao wa mwisho watamalizana na KMKM Jumapili ya 07-05-2017 saa 1:00 USIKU Aman.

Katika Msimamo wapo nafasi ya 12 wakiwa na alama 41 kati ya michezo 32 waliyocheza wameshinda 12, sare 5 na wamefungwa 15.

KILIMANI CITY
Kilimani City wenyewe wanajita watoto wa Mjini wamebakiwa na michezo 2 , mmoja watacheza leo Jumatano 03/5/2017 dhidi ya Jang’ombe Boys saa 10:00 jioni katika uwanja wa Fuoni, na wa mwisho watamalizana na Chuoni Tarehe 05-05-2017 saa 1:00 za usiku Amaan.

Katika msimamo wapo nafasi ya 11 katika michezo 32 waliyocheza wameshinda 13, sare 4 na kupoteza 15.

Kati ya Malindi, Kipanga na Kilimani City nani ataungana na Kimbunga, Chaka Stars, Miembeni, Kijichi na Mundu kushuka Daraja?, jawabu lake huenda tukaanza kulipata jioni ya leo baada ya kumalizika kwa michezo yote hiyo mitatu.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more