ILI KIPANGA ASISHUKE DARAJA LAZIMA ASIFUNGWE KESHO NA KMKM BAADA YA LEO MALINDI KUIFUNGA TAIFA

Timu ya Malindi kushuka au kutoshuka daraja hatma yao ipo mikononi mwa KMKM kesho watakapocheza na Kipanga majira ya saa10:00 za jioni kwenye uwanja wa Aman.

Leo klabu ya Malindi imepata alama tatu muhimu na kuzidi kuwatia tumbo joto Kipanga baada ya kuwafunga Taifa ya Jang’ombe bao 1-0 mchezo uliopigwa saa 10 za jioni katika uwanja wa Amaan.

Bao pekee la Malindi limefungwa na Kassim Khalfan dakika ya 68 na kusubiri mchezo wa kesho ambapo Malindi anaiombea dua Kipanga ifungwe na KMKM ili wao wanusurike kushuka daraja.

Malindi baada ya kushinda leo amefikisha alama 42 ambapo Kipanga ana alama 41 na kesho akifungwa Kipanga atashuka wao na endapo akitoa sare Kipanga atabakia kwa kufikisha alama sawa na Malindi 42 lakini Kipanga atakuwa ana faida ya mabao baada ya kuwa na akiba ya mabao 4 huku wenzao Malindi bado wana deni la mabao 7.


Kikosi cha Kipanga
Mchezo mwengine uliopigwa leo mapema saa 8 za mchana Mafunzo wakaichapa Jang’ombe Boys bao 1-0, bao lilofungwa na Rashid Abdallah katika dakika ya 33.

Michezo mengine ya mwisho kesho kwenye ligi kuu soka ya Zanzibar kanda ya Unguja utapigwa majira ya saa 8:00 za mchana kati KVZ dhidi ya Kimbunga katika Uwanja wa Amaan, na saa 10:00 za jioni Fuoni watasukumana kati ya Kijichi dhidi ya Chwaka Stars.

Kesho ligi hiyo itamaliza rasmi kwa kila timu kukamilisha idadi ya michezo 34 ambapo timu 4 za Unguja zilizofuzu 8 bora tayari zishajulikana ambazo ni JKU, Jang’ombe Boys, Zimamoto na Taifa ya Jang’ombe lakini kwa upande wa timu 6 za kushuka daraja 5 kati ya hizo zishajulikana ambazo ni Kimbunga, Chaka Stars, Miembeni, Kijichi na Mundu, hivyo kati ya Malindi na Kipanga nani ataungana na kushuka Daraja na hao?, jawabu lake tutalipata kesho katika mchezo wa Kipanga dhidi ya KMKM.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more