TIMU YA KISANDU YATOKA SARE WAKIWA PUNGUFU WACHEZAJI 2, KESHO MECHI 7 KUPIGWA NYENGINE


Na: Fatma Suleiman, Zanzibar.

Timu ya Chuo cha Uandishi wa Habari Zanzibar “ZJMMC” inayofundishwa na kocha Abubakar Khatib “Kisandu” jana ilitoka sare ya 1-1 dhidi ya Chuo cha Afya Mbweni katika Mashindano ya Vyuo Vikuu na Taasisi za Elimu ya Juu Zanzibar “ZAHILFE CUP” uliopigwa majira ya saa 10 za jioni katika Uwanja wa Amaan.

 Mchezo huo ni wa Kundi D ambapo ZJMMC walimaliza wakiwa pungufu wachezaji wawili baada ya Walinzi wao kuonyeshwa kadi nyekundu Nassor Cholo na Said Shaha katika dakika 54 ya mchezo na 67, mchezo ambao umesimamiwa na Muamuzi mwenye beji ya FIFA Mgaza Ali Kinduli.
Timu hizo zilikwenda mapumziko wakiwa suluhu pacha, huku mchezo ukiwa na kasi ya kawaida na kosa kosa ndogo, ambapo mabao yote yalipatikana kipindi cha pili kwa Penalty kwa kila upande ambapo la Afya lilifungwa na Lucho wakati la ZJMMC lilipigwa na Omar Habibu.

Mashindano hayo  yataendelea tena kesho kwa kupigwa michezo tofauti katika viwanja tofauti.


Chuo cha Habari ZJMMC watasukumana na MCC Saa 10:00 za jioni katika uwanja wa Fuoni, SUZA v/s ZU Uwanja wa SUMAIT Saa 10:00,  MNMA v/s MICROTECH uwanja wa ZU Tunguu saa 10:00 jioni, KARUME v/s ICPS Uwanja wa Polisi Ziwani saa 10:00 jioni, ZITOD v/s SUMAIT Uwanja wa SUMAIT Chukwani saa 10:00 za jioni, IPA v/s ZSH uwanja wa Amaan saa 8:00 mchana na KATI v/s ZIFA Uwanja wa Fuoni Saa 8:00 za mchana.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more