UMISSETA ZANZIBAR WATUA MWANZA, TAYARI KUANZA MASHINDANO KESHO

Msafara wa wanamichezo 135 kutoka  Zanzibar  ambao unashiriki mashindano ya umoja wa Michezo na Sanaa skuli za sekondari Tanzania (UMISSETA) umewasili Butimba mjini Mwanza tayari kwa mashindano hayo.

Msafara huo uliondoka Zanzibar juzi Jumamosi Juni 3 na kuwasili Mwanza leo asubuhi  wakiwa katika hali nzuri kiafya, na tayari wameanza  kufanya mazoezi madogo kwa ajili ya kuweka miili yao sawa.

Akizungumza na Mtandao huu jijini hapa, Mkuu wa msafara Abdalla Makame Makame ambaye pia ni afisa Elimu Mkoa wa Kusini Unguja, amesema kuwa licha ya safari refu lakini wanamshukuru Mwenyezi Mungu kwa kufika  salama safari yao hiyo.

‘’Tunashukuru  tumefika salama hapa Mwanza, tumepokelewa vizuri tunachosubiri hivi sasa ni kuanza kwa mashindano, na hapa tumefikia sehemu nzuri  hivyo hatuna  hofu yoyote’’. Alisema Makame.

Akizungumza kwa niaba ya makocha wa michezo kocha awa timu ya mpira wa mikono (handball) Salum Hassan, amesema kuwa vijana wote wapo katika hali nzuri na wapo tayari kwa mashindano.

Amesema kuwa baada ya kufika jioni leo wataanza kufanya mazoezi kwa ajili ya kuweka sawa miili yao, na hali ya hewa ni nzuri haina tofauti sana na hali ya hewa ya nyumbani Zanzibar.

‘’Jioni tutafanya mazoezi leo na kesho tunasubiri ratiba ili tujuwe tumepangwa na nani, lakini kiujumla timu zote zipo vizuri na hali ya hewa ya hapa haina tofauti kubwa sana ila hapa jua ni kali sana’’.Alisema.

Hivyo amezidi kuwaomba Wazanzibari kuendelea kuwaombea dua waweze kucheza  vizuri na hatimae kurudi na makombe mengi .

Katika Mashindano hayo ambayo yanatarajiwa kuanza kutimua vumbi lake kesho Jumanne June 6, 2017 huko Butimba Chuo cha Ualimu Mkoani Mwanza, Zanzibar itakuwa na kanda mbili tofauti Unguja timu yao na Pemba timu yao, ambapo kanda ya Unguja itakuwa na timu za Soka, Wavu, Mikono, Riadha, Mpira wa Meza na Kikapu,wakati kanda ya Pemba itakuwa na timu za Riadha, Wavu, Kikapu na Soka.




Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more