WAJUWE MAKOCHA 7 WA ZANZIBAR WANAOENDELEA KUSOMA KOZI YA LESENI “A”

Malale Hamsini Keya kocha wa Ruvu Shooting

Ni jambo zuri na la kuvutia kwenye soka la Zanzibar linazidi kuengeza watu muhimu kwenye soka ambapo kesho Jumapili makocha (7) wa Zanzibar watakwenda kwenye kozi ya Makocha ya Leseni “A” inayotarajia kuendelea kesho kutwa Jumatatu ya June 12 na kumalizika June 29, 2017 katika ukumbi wa Shirikisho la Soka Tanzania (TFF) Karume jijini Dar es salaam.

Makocha hao (7) ni Abdul mutik Haji “Kiduu” (Jamhuri), Hababuu Ali Omar (JMK Youth Park), Abdallah Mohammed Juma “Bares” (Prisons), Malale Hamsini Keya (Ruvu Shooting), Ali Vuai Shein (Kijichi),  Salum Juma Makame (Tanga) pamoja na kocha Salum Ali Haji (Chwaka Stars).

Kozi hiyo ni ya awamu ya pili baada ya kuanza July 17, 2016 na sasa wanaenda kumaliza sehemu ya pili na ya mwisho ambapo Mkufunzi Gwiji wa Shirikisho la Soka Barani Afrika (CAF) Sunday Kayun ndie anaefundisha kozi hiyo.

Endapo makocha hao watafanikiwa kumaliza salama kozi hiyo, idadi ya makocha wenye leseni “A” Zanzibar wataengezeka.

Kwa Zanzibar nzima makocha wawili tu ndio wenye Leseni “A” ya ukocha wa shirikisho la soka barani Afrika (CAF) ambao ni Hemed Suleiman Morocco kocha mkuu wa timu ya Taifa ya Zanzibar (Zanzibar Heroes) pamoja na kocha Nassra Juma ambae yeye ni kocha wa timu ya Taifa ya Wanawake Zanzibar (Zanzibar Queens).


Kwa Tanzania nzima Nassra Juma ni mwanamke pekee mwenye leseni ya juu ya ukocha ambapo ana leseni ‘A’ ya CAF na ‘B’ ya UEFA.
Abdul mutik Haji “Kiduu” kocha wa Jamhuri

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more