MJINI UNGUJA NA JKU CADEMY WAKISHINDA WOTE KESHO NUSU FAINALI, BASI WATAKUTANA FAINALI MASHINDANO YA ROLLING STONE

Kikosi cha Mjini Unguja cha jana kilichoshinda 5-1 robo fainali

Na: Kennedy Lucas na Said Salim “Hazard” kutoka Mbulu, Manyara.

Baada ya jana kushinda Wawakilishi wawili wote wa Zanzibar katika Mashindano ya vijana ya Afrika Mashariki na kati ya Rolling Stone timu ya Mjini Unguja na JKU Academy ambao wamefanikiwa kutinga hatua ya nusu fainali, sasa kesho wakifanikiwa kushinda katika michezo yao ya nusu fainali watakutana fainali Wazanzibar wawili hao.

Mjini Unguja jana walitinga nusu fainali baada ya kuitoa Lindi academy kwa mabao 5-1 huku magoli ya Mjini yalifungwa na Ibrahim Abdalla (Imu Mkoko )2, Mohamed Mussa (Modi) 2 na Mohamed Haji (X Box) 1.

JKU Academu wametinga hatua ya nusu fainali baada ya Arusha Center Academy ya Arusha kuondolewa Kwenye Mashindano hayo baada ya kuwachezesha wachezaji wanne ambao umri wao umezidi miaka 17 katika mchezo wao wa Robo fainali ya Mashindano hayo dhidi ya JKU mchezo ulipigwa katika uwanja wa kumbukumbu ya Sheikh Amri Abeid Kaluta Jijini Arusha Ambapo Arusha Center waliibuka na ushindi wa bao 1-0.

Baada ya mchezo kumalizika JKU walikata rufaa wakiilalamikia Arusha Center Kuwachezesha Wachezaji 3 ambao wanaumri zaidi Ya Miaka 17 ambayo hairuhusiwi kutokana na kanuni na taratibu zinavyo sema kwani Mchezaji anaeruhusiwa kucheza Mashindano hayo ni mwenye umri wa chini ya miaka 17.

Baada ya kuipitia rufaa hiyo Kamati Ya Mashindano ya Rolling Stone ikaamua kuiondosha katika Mashindano hayo timu Ya Arusha Center Academy kutokana na timu hiyo kuchezesha Wachezaji ambao hawaruhusiwi kucheza, hivyo JKU Academy Sasa wamepita kwa Rufaa hiyo.

Mapema kesho Jumapili saa 8:00 za mchana JKU Academy kutoka Zanzibar watasukumana na Fire Boys kutoka Karatu Arusha kwenye mchezo wa nusu fainali ya kwanza.

Mabingwa watetezi timu ya Kombain ya Mjini kutoka Zanzibar watacheza nusu fainali ya pili dhidi ya Trust Saint Patrick Academy ya Arusha mchezo utapigwa saa 10:00 za jioni.

Michezo yote hiyo itapigwa katika uwanja wa Julias Nyerere Wilayani Mbulu Mkoani Manyara.

Jumatatu ya July 7, 2017 ni siku ya mapumziko ambapo Jumanne ya July 18, 2017 ni siku ya kutafuta Mshindi wa 3, 2 na Bingwa.


Mashindano ya Mpira wa Miguu kwa Vijana waliochini ya umri wa miaka 17 Afrika Mashariki na Kati maarufu kama Rolling Stone, Mwaka huu 2017 yanafanyika katika Mikoa Ya Arusha na Manyara huku Manyara wakipata fursa ya Kuandaa Mashindano Hayo Kwa Mara ya Kwanza na kupewa Vituo Vitatu Vya Mbulu,Babati na Mererani wakati changamoto kubwa katika Mashindano hayo yakiwa ni uchezeshwaji wa Wachezaji Wenye Umri Zaid Ya Miaka 17.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more