SERIKALI YA ZANZIBAR YAZUNGUMZIA KUHUSU ZFA KUONDOSHWA CAF, WAOMBWA WAZANZIBAR KUWA WATULIVU, SASA WANASUBIRI TAARIFA RASMI KWA VIONGOZI WA ZFA WALIKUWEPO KWENYE MKUTANO WA SHIRIKISHO HILO

Katibu Mkuu wa Wizara ya Habari Utalii Utamaduni na Michezo Zanzibar Omar Hassan Omar “King” amewataka Wazanzibar kuwa wastahamilivu na kuwa na subira katika kipindi hichi kigumu baada ya Zanzibar kuondolewa uanachama wao wa 55 wa kudumu wa Shirikisho la Soka Barani Afrika “CAF”.

King amesema wanachosubiri sasa ni ujio wa viongozi wa ZFA ambao waliokuwepo mjini Rabat, Morocco kwenye kikao cha Kamati utendaji ya CAF, viongozi ambao walikuwemo kwenye kikao hicho ambacho kuliamua mambo kadhaa likiwemo hilo la Zanzibar kufutiwa uanachama wake, na baada ya ripoti hiyo ya ZFA wao Serikali watatoa taarifa rasmi.

Viongozi wa ZFA walikuwepo katika Mkutano huo ni Rais wa ZFA Ravia Idarous Faina, Katibu Mkuu wa ZFA Mohd Ali Hilali “Tedy” pamoja na kocha mkuu wa timu ya Taifa ya Zanzibar (Zanzibar Heroes) Hemed Suleiman “Morocco” ambao wanatarajiwa kuwasili Visiwani Zanzibar kesho Jumatatu ya July 24, 2017 kwenye uwanja wa Ndege wa Kimataifa wa Abeid Amani Karume kuanzia majira ya saa 2 za usiku.

“Kama mulivyosikia tumeondolewa uanachama na CAF, lakini tunachokisubiri kwasasa ni kuweza kupata taarifa rasmi kutoka kwa ZFA na kupata barua ambayo itawasilishwa ZFA baadae barua ile kuwasilishwa Serikalini na pale ndipo tutaweza kujua ni ipi sababu gani ilipopelekea kutolewa, cha msingi jambo hili limetusikitisha sana Wazanzibar lakini mimi naomba tuwe watulivu kisha tuwe na subira katika kipindi hichi, baada ya hapo tutatoa taarifa rasmi kutoka Serikalini”.Alisema King.

Juzi Rais wa CAF, Ahmad Ahman amesema Zanzibar ilipewa nafasi hiyo kimakosa na si sahihi kwa nchi moja kuwa na wanachama wawili wa shirikisho hilo.

Zanzibar ilipewa uanachama wakati wa utawala wa Issa Hayatou ambaye alikuwa akiungwa mkono na TFF chini ya Jamal Malinzi, hata hivyo Hayatou aliangushwa na Ahmad Ahmad ambaye aliibuka mshindi katika uchaguzi wa CAF ambapo uanachama huo kwa Zanzibar ulidumu kwa siku 128 kuanzia Alhamis ya Machi 16, 2017 hadi juzi Ijumaa ya July 21, 2017.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more