TAIFA YA JANG’OMBE YACHEZA SIKU 2 MECHI 2 MFULULIZO LIGI KUU ZENJ

Baada ya kucheza jana Jumatano timu ya Taifa ya Jang’ombe na kufanikiwa kuwafunga Jamhuri 2-0 katika mchezo wa ligi kuu soka ya Zanzibar hatua ya 8 bora mchezo uliopigwa kwenye Dimba la Gombani, unaweza kushangaa na leo Alhamis Taifa wanacheza tena mchezo mwengine wa ligi hiyo hiyo dhidi ya Kizimbani katika uwanja wa Gombani Kisiwani Pemba.

Mchezo huo nambari 48 ulikuwa uchezwe Jumamosi ya Agost 12, 2017 lakini Taifa wameomba wacheze tena na leo ili wawahi kurejea nyumbani Unguja kwaajili ya kupunguza gharama wakiwepo Kisiwani huko.

“Ni kweli Taifa watacheza mechi mbili mfululizo jana na leo kwa vile wameomba wacheze ivyo kwaajili ya kupunguza gharama ili wawahi kurudu nyumbani Unguja kwasababu wakimaliza mchezo huu hawana tena mchezo mwengine hapa Pemba, sasa ukiangalia ratiba mpaka Jumamosi ndo wanacheza na itabidi wasafiri Jumapili gharama zitazidi kuwa kubwa lakini wanacheza leo Alhamis na kesho Ijumaa wanarejea nyumbani”. Kilisema Chanzo.


Ligi kuu soka ya Zanzibar hatua hiyo ya 8 bora inachezwa kwa visiwa viwili tofauti yani Unguja na Pemba ambapo kuna baadhi ya timu ikiwemo Taifa wamesafiri mara mbili tofauti kwenda huko Kisiwani Pemba kucheza michezo yao ambapo mpaka ligi hiyo inaelekea ukingoni hakuna mdhamini yoyote aliyejitokeza jambo ambalo linawapa wakati mgumu vilabu vinavyoshiriki ligi hiyo.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more