MRAJIS WA MICHEZO ZANZIBAR AWATAKA ZAHA WAACHANE NA MAJUNGU

Chama cha Mpira wa Mikono Zanzibar yani Hand ball (ZAHA) wametakiwa kuachana na majungu na badala yake kuwa na umoja na mshikamano ili kuukuza mchezo huo.

Kauli hiyo imetolewa na Mrajis wa Vyama vya Michezo Zanzibar, Suleiman Pandu Kweleza, ambapo pia amewasisitiza kujitokeza kugombea nafasi mbali mbali kwenye uachaguzi wa chama hicho ambao unatarajiwa kufanyika hivi karibuni.

Kweleza amesema umoja wao ndio silaha ya kuukuza mchezo huo ambao unanafasi kubwa ya kuitangaza Zanzibar na Tanzania kwa ujumla kwenye anga za Kimataifa.
“Hand ball mimi nawaomba waendelee kuwa na umoja waache majungu mana kuna baadhi yao huwa wanalalamika, sasa washirikiane na katika uchaguzi washiriki kugombea na si kusubiri viongozi wapya kasha kuwapiga majungu ambayo hayana faida yoyote”. Alisema Kweleza.

Baraza la Taifa la Michezo Zanzibar (BTMZ) kupitia Afisi ya Mrajis wa vyama vya Michezo Zanzibar bado linaendelea na mchakato wake kwa vyama vyake vilivyokuwa havijanya Uchaguzi vifanye haraka ambapo kwa mwaka huu tayari zaidi ya vyama 4 tayari vimeshafanya Uchaguzi.

Vyama hivyo vilivyofanya Uchaguzi mwaka huu ni Chama cha Mpira wa Ukuta Zanzibar “Zanzibar Squash Racket Association (ZSRA)”, Chama cha Mpira wa Kikapu Zanzibar yani Basketball (BAZA), Chama cha Netiboli Zanzibar (CHANEZA) na Chama cha Mpira wa Meza Zanzibar yani Table Tennis (ZTTA) ambapo kwasasa BTMZ wapo mbioni kuhakikisha chama cha Chama cha Hand Ball Zanzibar kinafanya uchaguzi pamoja na Chama cha Karata, Bao, Chama cha Baskeli Zanzibar (CHABAZA) na Chama cha Riadha Zanzibar.

Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more