WACHEZAJI WA 4 WA ZANZIBAR HEROES WAPIMWA MKOJO, SASA WANASUBIRI MAJIBU KUTOKA AFRIKA YA KUSINI




Wachezaji wanne wa timu ya Taifa ya Zanzibar (Zanzibar Heroes) leo saa 5 za usiku wamefanyiwa vipimo kama wanatumia dawa za kuongeza nguvu,vipimo ambavyo vimefanywa na Mawakala wa kupinga utumiaji wa dawa za kuongeza nguvu Michezoni kupitia tawi lao nchini Kenya (World Anti-Doping Agency “WADA”) zoezi ambalo limefanyika katika Hoteli ya Garden waliyokaa kambi timu hiyo iliyopo Machakos Mjini Kenya.

Wachezaji waliyofanyiwa vipimo ni Kiungo Mohd Issa “Banka”, Fesal Salum “Fei Toto” na Washambuliaji Ibrahim Hamad Hilika na Suleiman Kassim “Seleembe”.

Hofu hiyo ilopelekea kupimwa wachezaji hao imekuja kwenye Mashindano ya Cecafa Senior Chalenj Cup jioni ya leo katika uwanja wa Kenyatta Mjini Machakos mara baada ya kutoka sare ya 0-0 na Wenyeji Kenya na kupelekea Zanzibar kutinga moja kwa moja nusu fainali wakiwa na alama 7 wakiongoza kundi lao A lenye Mataifa kama Kenya, Libya, Rwanda na Tanzania bara.

WADA na CECAFA wameingiwa na wasi wasi kutokana na kiwango bora walichoonyesha Zanzibar katika Mashindano hayo huku ikiwaongoza mataifa kama Libya, Rwanda, wenyeji Kenya na Tanzania Bara ambapo WADA na CECAFA waliwafata wachezaji hao katika vyumba vya kubadilisha nguo baada ya kumaliza mchezo wa leo lakini hawakufanikiwa kuwapima jambo ambalo limepelekea kuwafata mpaka kambini kwao na kuwapima.

Awali walisema Wachezaji wa Zanzibar wana mashaka nao na jinsi wanavyocheza si bure, hivyo baadae wakawataja wachezaji hao wanne akiwemo kiungo kinda Fesal Salum “Fei Toto” ambae leo amechaguliwa kuwa nyota wa mchezo wa leo kati ya Zanzibar na wenyeji Kenya ulomalizika 0-0.

Vipimo hivyo vitapelekwa Afrika ya Kusini kisha majibu yatatoka badae.

“Tumeshawapima na hivi vipimo tunaenda navyo Afrika ya Kusini kisha tutaleta majibu baada ya miezi 6”. Alisema mmoja wa Afisa kutoka World Anti Doping.

Kwa upande wa Zanzibar Heroes wameshangazwa na jambo hilo huku wakisema kuna mchezo mchafu unataka kufanywa na wenyeji wao.

“Sisi tuna wasi wasi na mchezo mchafu unataka kuchezwa hapa, Hoteli yao, chakula chao, maji yao na kutupima wanatupima watu wao, sawa sisi tumekubali kupimwa tunawasubiri na hayo majibu yao, mana hatuna wasi wasi wowote sisi”. Alisema Kiongozi mmoja wa Zanzibar.

Tangu kuanza Mashindano ya Cecafa ya mwaka huu Zanzibar inaongoza kutoa wachezaji bora wa mchezo yani Men of the Match ambapo mchezo wa awali Zanzibar Heroes waliichapa Rwanda mabao 3-1 huku mchezaji bora akitajwa kuwa Mohd Issa “Banka”, mchezo wa pili Zanzibar waliwafunga Tanzania bara mabao 2-1 na mchezaji bora wa mchezo akawa Ibrahim Hamad “Hilika” na leo Zanzibar 0-0 Kenya mchezaji bora pia katoka Zanzibar Fesal Salum.




Comments

Post a Comment

Popular posts from this blog

WACHEZAJI WA 5 WA ZANZIBAR HEROES WAMEITWA TIMU YA TAIFA YA TANZANIA TAIFA STARS KWAAJILI YA MICHEZO MIWILI YA KIMATAIFA YA KALENDA YA FIFA.

Image
K ocha mkuu wa timu ya taifa ‘Taifa Stars’ Salum Mayanga ametangaza kikosi cha wachezaji 23 ambao wataingia kambini kwa ajili ya maandalizi ya michezo miwili ya kirafiki ya kimataifa dhidi ya DR Congo na Algeria. Wachezaji wa tano wa Zanzibar ni mlinda mlango Abdulrahman Mohamed wa JKU, pamoja na viungo Mudathir Yahaya wa Singida United, Feisal Salum wa JKU, Abdulaziz Makame wa Taifa ya Jang’ombe na   Mohamed Issa wa Mtibwa Sugar.  Kikosi kamili kilichotangazwa na Mayanga kinajumuisha wachezaji wafuatao: Magolikipa ni Aishi Manula, Abdulrahman Mohamed na Ramadhani Kabwili. Walinzi: Shomari Kapombe, Hassan Kessy, Gadiel Michael, Kelvin Yondani, Erasto Nyoni na Abdi Banda. Viungo: Hamisi Abdallah, Mudathir Yahaya, Said Ndemla, Feisal Salum, Abdulaziz Makame, Mohamed Issa, Thomas Ulimwengu, Farid Mussa, Shiza Kichuya, Ibrahim Ajib. Washambuliaji: Mbwana Samatta, John Bocco, Simon Msuva na Yahaya Zayd. Mara ya mwisho Mayanga alitaja kikosi cha Stars Oktoba 24,...
Read more

ZANZIBAR KARIBU WATAPATA UANACHAMA WA FIFA BAADA YA KUWA MWANACHAMA WA 55 WA CAF

Image
Baada ya siku ya Alhamis ya Machi 16, 2017 chama cha soka Visiwani Zanzibar (ZFA) kuwa mwanachama wa 55 wa Shirikisho la soka barani Afrika (CAF) sasa mambo yanazidi kuwa mazuri kufuatia Shirikisho la Mpira wa Miguu Tanzania {TFF } kupeleka maombi kwenye Shirikisho la Soka Duniani { FIFA } kuiomea Zanzibar kuwa Mwanachama wa Shirikisho hilo. Kauli hiyo imetolewa na Afisa Muandamizi anayeshughulikia ruzuku wa Shirikisho la Mpira wa Miguu Tanzania {TFF} Derek Murusuri wakati akiwasilisha salamu za Rais wa Shirikisho hilo Jamal Malinzi kwa Makamu wa Pili wa Rais wa Zanzibar Balozi Seif Ali Iddi Baraza la Wawakilishi Mbweni. Derek Murusuri alisema Shirikisho la Mpira wa Miguu Tanzania limeshaiandikia Barua rasmi FIFA kuhusu suala hilo lilalosubiriwa na wapenda soka wa Visiwa vya Zanzibar kuwa na uweo wa kushiriki moja kwa moja michezo ya Kimataifa inayoandaliwa na Shirikisho hilo la Dunia. Alisema mipango inaandaliwa na Uongozi wa juu wa TFF katika kuhakikisha inaipatia nakala Zanzibar...
Read more

JKU ACADEMY HAO WATANGULIA KWENDA ARUSHA KATIKA MASHINDANO YA ROLLING STONE

Image
Timu za JKU Academy zinaondoka usiku wa leo kwa boti ya usiku kwenda Jijini Dar es salam kisha saa 12 za asubuhi kesho Jumatatu kuanza safari ya Arusha ambapo wanakwenda katika Mashindano ya Vijana ya Afrika Mashariki na Kati (Rolling Stone) mashindano ambayo yanatarajiwa kuanza rasmi July 9-19, 2017. JKU mwaka huu wanatarajia kushiriki timu tatu tofauti katika Mashindano hayo ikiwemo timu chini ya miaka 13, 15 na 17 ambapo msafara wa watu 60 ukitarajiwa kuondoka Visiwani Zanzibar usiku wa leo. Msafara huo ambao utajumuisha timu tatu tofauti za JKU Academy pamoja na waamuzi wao vijana watano na viongozi watano. Mashindano ya Rolling Stone mwaka huu yanatarajiwa kuanza rasmi July 9 na kumalizika July 19, 2017 ambapo msimu huu kumepangwa vituo tofauti makundi mengine yamepangiwa Arusha, mengine Manyara.
Read more